మహేశ్ బాబు-నమ్రత దంపతులకు క్రిస్మస్ కానుకలు పంపిన పవన్, అన్నా లెజ్నెవా

ప్రస్తుతం ప్రపంచవ్యాప్తంగా క్రిస్మస్ సందోహం నెలకొంది. ఈ క్రమంలో టాలీవుడ్ పవర్ స్టార్ పవన్ కల్యాణ్, ఆయన అర్ధాంగి అన్నా లెజ్నెవా తమ సన్నిహితులందరికీ క్రిస్మస్ కానుకలు పంపుతున్నారు. ఇటీవలే వారు సూపర్ స్టార్ మహేశ్ బాబు, నమ్రతలకు కూడా క్రిస్మస్ కానుకల బాక్సును పంపారు. అంతేకాదు, సంతోషంగా ఉండాలంటూ క్రిస్మస్ శుభ సందేశాన్ని కూడా వెలువరించారు. ఈ విషయాన్ని నమ్రత స్వయంగా వెల్లడించింది. తమకు క్రిస్మస్ కానుకలు పంపిన పవన్, అన్నా దంపతులకు నమ్రత కృతజ్ఞతలు తెలిపింది.